Sir滑梯

今早帶牛丁你去西貢泳池玩，勁happy！

你最愛那兩個sir滑梯，有一個細嘅比bb，你sir完就想自己爬番上去，就連行番轉頭去個樓梯度都懶，梗係爬唔上啦，真豬丙。從此見牛丁你性格也真頗堅持，爸爸在梯底扶著你，你便不管一切往上爬，爬至整個面兒貼在梯上，媽媽在梯頂忍著心腸就是不扶你，你也一點未有放棄，爸爸媽媽定要好好助你引用此份堅持，好讓你適當運用，不要隨便糟塌了此可短可長之處。

另有一條大滑梯給小朋友玩的，爸爸抱住你一起sir落嚟，你開心到咯咯笑，其他大人見到你都忍不住笑，玩了好幾次便把你帶回淺水邊浸下，點知牛丁Car你好有計劃，行下跌下，又爬下跌下，幾經辛苦，原來係一直向番住個大滑梯出發，有位太太原來都一直留意著你，見你咁，便走埋嚟跟我們說好讓你多玩幾次，還站在一旁說 "ee睇你sir落嚟，同你拍手掌吓！" 。到離開時你都仲勁high，一路行番去更衣室一路係咁同人揮手，見你這模樣，好像自己是港姐般繞場一週，爸爸媽媽也真的忍不住笑了！