介奶樽??

bb,
你一向食量都係無定向風，最初好多時都以為你係經歷所謂"厭奶期"，但係後來發覺跟本係全無定律。

近幾天，你３：３０下午茶個餐奶又再拒食，媽媽今次決定要測試下你，即管你只肯食１安，都堅決要求Josephine再多開糊仔給你，你居然真的把糊仔吃光，再添加奶混在一起你也吃清，連糊仔總共吃掉差不多５安奶，總算未有大大浪費媽媽辛辛苦苦每天給你泵奶嘅心血！另又嘗試用奶加蛋及麵包做燉蛋布甸給你亦一樣，你都會可以把一切吃光。這星期每天也如是，你就唯獨從奶樽就是不肯食。婆婆話你可能係唔想再用奶樽進食，自己介奶樽！只係１０個半月人仔，真的會有這樣的想法嗎？睇見你每日都會多一點古靈精怪表情，真係唔能夠想像會行會走，懂說話時的你嘅招積模樣。你好似已經很有自己嘅思想，做事都像是從開始便充滿計劃，單單從你３秒３就可以輕易從地墊爬到梳化上，爸爸媽媽已經不敢想日後你在家會有多大的破壞力．．．．．．

媽媽明天便要到上海出差６天，是你出世後第一次離開你，也不知你是否這幾天好像已擦覺到媽媽對你特別著緊，你好像也特別嬌嗲，這幾晚都堅持要媽媽躺在你身旁陪你入睡，媽媽就是一下床你便馬上大吵大鬧，一直到媽媽再回到床上為止。希望你往後這６天在公公婆婆家中做一個乖孩子，不要讓媽媽擔心你。